Dawuh Ing Serat Centini

Selo tetep adek gunge swasono enjing. Migunani pratondho wayah ing salebeting pakaryan. Ora agawe lungkrah marang rogo tan keno gudo. Krono piandel yakin ing ngersane Gusti kang agawe dumadi. Ewodene salah sijine ingsun lumaku ing iline warih. Atis, sumer lan gembreges. Krono kahanan mbengi jumeneng ono ing tritisane Bayu.

Siji kekarep lumantar angen angen sing handarbeni yakin. Yoiku Cipto kahanan pepakaryan gede kang cumentel ing penggalihe. Yo iso bola bali kecandak, hyo iso ucul muspro. Kanti jejere karep sing durung duwe Karso. Gunung katakonan Endah Peni wujudmu, semut katakonan alit pedit wujudmu, ganeso katakonan gede ragamu Ning rakaton.

Ubah usike kahanan ati lan paningal, ewodene ugo iso ka'apus apus ing sakjroning titahe laku. Opo maneh wus di yakini dadi huruping dilah kauripan. Cekak carito ndalem ingsung katuladhan ono ing jejere karep, umpamane ujute manungso handuweni wigati hanggawe katresnan marang pepadan wadon opo Prio. Hananging ijih Ono ing angen angen wae. Wondene hyo butuh piandel tatak, sensem, welas lan sakpiturute.

Siji Prio karep pingin ndi dweni, siji wanito karep pingin handuweni. Ning ing jrone penggalihe ajrih murwani tembung. Hnamung ati sing wani di udalake pepek sak kekarepane. Wusanane ora ono asil kang sampurno tekane wujud. 

Nanging bedo kahanan yen sigarane sing madu tresno kwi biso wani nembung lelegan ati. Tamtu bakal jumbuh ginayuhe tresno. Yoiku pikantuk ganjaran sesanding.

Biso agawe lelegan ati kang podo ndene ngisi katresnan. Padahal sejatine sakjrone kono ono hukum ukume dumadi. Yoiku Roso kang kalebu ing sanubari. Nuli kabagyan tekane. Tegese tujuan, angen angen lan Karso kudu d wujutake bebarengan lan ora keno cendolo curigo marang pepadan kang bakal diswun dadi kinasih kauripan. Ijih ono ukume bondo brono sing kudu di wayuh, ijih ono sandang papane sing kudu di wayuh, ugo rosone tresno dewe sing kudu di wayuh, ugo ing sak njobone tujuan bebarengan.

Yen sijine sarat ukum mau ora biso di gandeng bebarengan, mongko bakal muspro lan lebur ing sambi kolo. Seje maneh yen penggalihe kang nyandang katresnan kwi mau kunjuk lerem ing pakeme tujuan bareng. Ing mangkene Ono pusoko luhur ing sak jroning wedaran jati kang sesangkan saking simbok Centini, koyoto mangkene..

"Kang kantun anèng pandhapi | gunême tan ana kêmba | gupruk gar-gêr sru gujênge | Mas Cêbolang lon lingira | Kiyai Amongtrustha | paranta darunanipun | pra apsari asih trêsna" |

Lan sing ijih ana ing panggonan/pendhopo karep, podo omong omongan ( musyawaroh ), lan gegojekan, sijine  mas cebelong ( salah sak wijine ingsun ), mitakon karo kiyai ( wong kang paham/ ahli ), Pye asale poro apsari ( waranggono ), utowo carane mbagun katresnan ( tujuan bareng ). Yoiku opo wae kang di gawe gegayuhan wadahe kamulyan ( wadahe Pokal gawe ) 

Ateges kudu iso ngrekso susuhe angin. Yoiku howo nefsu kang kapetung ing poro ingsun ingsun kang arep mangun istono kamulyan. Ora keno grusa grusu, mateng pikir lan ora nyamudono ( fokus mujutake pokal gawe ing tanggung jawabe dewe dewe ), banjur di sawijike kanti laku opo eneke, kanti cancute alam pikir lan Budi. Yen mengkono bakal nampani tekane katrisnan lan sak rosone, koyo dene bopo biyung mujutake awake dewe iki, nalikane jumbuh temanten anyare. Ateges bakal nampani katresnan sejati ( wohing Pokal gawe ), madune Pokal gawe, ganjarane Pokal gawe, asile Pokal gawe. Pirantine yoiku Ngelmu, Sabar, temen, opo eneke, musyawaroh, lan Yakiin !!

Kaserat

Penulis : Setodhisastra